माछा मार्न हानेको जालमा गणेशको मूर्ति
हेटौँडाः हेटौँडा–६ का दिल बहादुर राईले हेटौँडा–७ स्थित कर्रा खोलामा माछा मार्न हानेको जालमा भगवान गणेशको मूर्ति परेको छ । जाल हान्ने क्रममा उनले गणेश भगवान गणेशको पहेँलो रंगको धातुको मूर्ति फेला पारेका हुन् ।
जाल हान्ने क्रममा राईले आइतबार फेला पारेको साढे सात किलोग्रामको गणेशको मुर्ती जिल्ला प्रहरी कार्यालयमा बुझाएका छन्।
जालमा परेको यो मूर्तिको लम्बाई २९ सेन्टिमिटर र चौडाई २३ सेन्टिमिरट रहेको छ । प्रहरीले यो मूर्तिलाई चोरेर खोलामा फ्याकेको हुन सक्ने अनुमान गरेको छ ।
‘हामीले मूर्ति भेटिएकोबारेमा विभिन्न जिल्लामा जानकारी गरएका छौं’, जिल्ला प्रहरी कार्यालय मकवानपुरका प्रहरी प्रवक्ता डिएसी शिशु शर्माले भने, ‘कतैबाट चारी भएको रहेछ भने फिर्ता गर्छौँ ।’
Don't Forget To Join US Our Community
0 comments
Write Down Your Responses